Natiyak sa pag-aaral na ito ang mga pinagbatayang kuwento at pagkakakilanlan ng mga barangay sa bayan ng Gubat. Historikal deskriptib-analisis na disenyo ang ginamit sa pag-aaral na ito. Purposive sampling ang ginamit ng mananaliksik sa pagtukoy ng mga barangay at random sampling sa pagpili ng kinapanayam. Nagsagawa ng interbyu ang mananaliksik sa ilang matatanda at ilang opisyal ng barangay na may alam tungkol sa pinagmulan ng kanilang barangay. Ang mga nalikom na datos ay sinuri at binigyang interpretasyon. Ang bawat barangay sa bayan ng Gubat ay may ipinagmamalaki at natatanging pagkakakilanlan. Iba-iba Ang ilan sa pinagkunan ng pangalan ng lugar ay puno at halaman, pangalan ng gusali, kuweba, at kapistahan ng mga santo at santa, mga produktong gawang-kamay gaya ng nito, banig, bakay, at marami pang iba. May implikasyon ang pinagmulang kuwento ng bawat pangalan ng barangay sa edukasyon, komunidad, turismo, at lokal na pamahalaan sa pagmulat ang kamalayan at makuha ang interes ng mga Gubatnon. Magagamit bilang kagamitan sa pagtuturo at sanggunian ng lokal na pamahalaan sa paggawa ng mga programang panturismo. Mapapaunlad at mapapalaganap ang panitikan ng Gubat at makakatulong sa pagpapayaman ng kaalaman ng mga naninirahan sa komunidad. Inirerekomenda na ang mga kuwentong isinalin at ginawang magasin ay maaaring gamitin bilang lunsaran sa pagtuturo sa paaralan. Maaari din itong gawing babasahing lokal na isang epektibong paraan sa pagmulat at pagpapalawak ng kamalayan ng mga mamamayan ng Gubat tungkol sa kanilang kultura at makulay na panitikan. Hinihikayat na gamitin ang katutubong akda bilang lunsaran upang maging higit na kawili-wili at madaling maunawaan ang kuwento. Maaari rin itong magsilbi sanggunian ng lokal na pamahalaan sa pagbuo ng mga programang panturismo at pampanitikan na makatutulong sa pag-unlad ng pamayanan.
scite is a Brooklyn-based organization that helps researchers better discover and understand research articles through Smart Citations–citations that display the context of the citation and describe whether the article provides supporting or contrasting evidence. scite is used by students and researchers from around the world and is funded in part by the National Science Foundation and the National Institute on Drug Abuse of the National Institutes of Health.
hi@scite.ai
10624 S. Eastern Ave., Ste. A-614
Henderson, NV 89052, USA
Copyright © 2024 scite LLC. All rights reserved.
Made with 💙 for researchers
Part of the Research Solutions Family.