Lan honetan dardarkari anizkunaren alofonoak deskribatzen dira, eta alofonoak erabiltzean aldakortasuna zerk eragiten duen aztertzen da. Horretarako, Euskal Herriko zazpi probintzietako 23 eta 36 urte bitarteko 155 gazteri grabatu zaie bat-bateko testu bat. Era bitako azterketak egin dira; batetik, alofonoak euren artean bereizteko ezau-garri fonetikoak aztertu dira; bestetik, irizpide linguistikoak, geografikoak eta sozialak erabili dira. Datuetatik ondorioztatzen da, hegoaldeko gazteek batez ere dardarkari anizkun apikaria erabiltzen dutela eta iparraldekoek ubularra, gainera, aipatutako dar-darkarien alofonoen erabilerari eragiten dioten aldagaiak ezberdinak direla.
Artikulu honen helburua Bermeoko berbaldiaren fonemen eta alofonoen frekuentziak aztertzea izan da, aldagai sozial bietan: adina eta generoa. Corpusaren materialak jasotzeko testu gidatuen teknika erabili dugu, kasu honetan komiki baten bidez, eta horrela bat-bateko testu sasiaskeak lortzen ditugu. Alde batetik, artikuluaren lehen atalak bokalak, diptongoak eta kontsonanteak aztertzen dira; eta hiru mailatako azterketa egin nahi izan dugu: azterketa kuantitatiboa, fonetikoa eta fonologikoa. Beste alde batetik, azken ataletan, ezaugarri batzuk aztertzeko datu berriak aurkezten dira eta lan batzuetarako proposamenak eta iradokizunak azaltzen ditugu laburki.
Lan honetan euskaraz bokatiboen erabileraren gaineko lehen azterketa aurkezten dugu. Bokatiboa oso gutxi ikertu den fenomeno linguistikoa da, eta oso idiosinkratikoa nahiz konplexua izan daiteke. Horregatik, lan honen hasieran, alde batetik, bokatiboen erabilera kokatzen dugun gaitasun prosodikoaren gaineko sarrera aurkezten dugu; beste alde batetik, bokatiboen izaera bera eztabaidatzen dugu. Bokatiboak prosodikoki eta sintaktikoki independentetzat jo izan dira eta eskuarki onartzen da independentzia prosodikoa euren independentzia sintaktikoaren ondorioa dela. Lanaren amaieran aurkezten diren emaitzak 12 hiztunen datuen azterketa fonologikoa eta fonetikoa eginda lortu dira. GAKO-HITZAK: Bokatiboa · Gaitasun prosodikoa · Prosodia. Meanings, index-signs and performativity on a christmas ritualThis paper presents a preliminary analysis of the use of the vocative in Basque. The vocative is an unexplored linguistic phenomenon that can be highly idiosyncratic and complex. Therefore, in the first part of this paper we present, on the one hand, a theoretical introduction to the prosodic competence where we frame the use of vocative and, on the other hand, we discuss its nature. Vocatives have been described as being syntactically and prosodically independent. It is commonly assumed that their prosodic independence comes from their syntactic independence. The results given at the end of the paper are based on phonological and phonetic analysis of data obtained from 12 speakers.
Ikerketa honen helburu nagusia ahots murmurikatuaren zenbait ezaugarri akustiko aztertzea da. Horretarako, lagina 36 esaldik osatzen dute, horietako 18 ahots arruntean gauzatuak eta beste 18ak ahots murmurikatuan. 12 galdera azentuen gauzapena ikertzeko erabili dira eta 6 intonazioarena ikertzeko. [a] bokalaren formakinak aztertzeko esaldi mota guztiak erabili dira (datuen azterketaren atalaren azpiataletan esaldi zehatzak agertuko dira). Inkesta egiteko eduki dugun informatzailea Igorreko 23 urteko andrazko bat izan da. Berorren ama-hizkuntza bertako euskararen barietate tradizionala izan da eta ikasketa guztiak euskaraz egin ditu. Emaitzen artean, hurrengoak dauzkagu: (1) ahots murmurikatuaren ezaugarririk nabarmenenak, ahots arruntaren aldean, f0rik ez egotea eta intonazioa apalagoa izatea dira; (2) iraupenari dagokionez, ahots murmurikatuan eginiko esaldiak luzexeagoak dira, berau estatistikoki esanguratsua izan ez arren; (3) [a] bokalaren formakinen azterketan ahots mota estatistikoki esanguratsua da bokalaren f1 eta f2 formakinei dagokienez; horrela bada, ahots murmurikatuan [a] bokala irekiagoa eta aurreratuagoa da ahots arruntean baino; (4) ahots murmurikatuan azentuaren korrelatu akustiko nagusia iraupena da; (5) silaba azentuduna luzeagoa da azentu bakoa baino; azkenik, (6) adierazpenezkoen eta bai/ez erako galderen bereizkuntzan iraupena eta intonazioa biak erabiltzen dira, baina esaldiaren azken silaban kontraste handiagoa gertatzen da gainerako egonguneetan baino. Bai/ez erako galderen azken silabak luzeagoak eta intentsitate altuagokoak dira adierazpen-esaldienak baino.
scite is a Brooklyn-based organization that helps researchers better discover and understand research articles through Smart Citations–citations that display the context of the citation and describe whether the article provides supporting or contrasting evidence. scite is used by students and researchers from around the world and is funded in part by the National Science Foundation and the National Institute on Drug Abuse of the National Institutes of Health.
hi@scite.ai
10624 S. Eastern Ave., Ste. A-614
Henderson, NV 89052, USA
Copyright © 2024 scite LLC. All rights reserved.
Made with 💙 for researchers
Part of the Research Solutions Family.