A cross-cultural investigation of the experiential qualities of various architectural styles. This pilot study attempts to investigate the influence of culture, sex, and the home environment on the experience of different architectural styles. A group of Germans (NOrnberg) and a group of Afrikaners (Pretoria) residing in comparable highrise dwellings, evaluated four architectural building styles by means of a semantic differential scale. Results indicated that the experience of architectural styles involves at least three dimensions, namely: an acultural, a culture specific, and a sex specific dimension. It is suggested that further research on the nature and influence of these experiential dimensions should be undertaken. S. Atr. J. Psychol. 1984,14: 34-42. Die ondersoek is 'n loodstudie om die invloed van kultuur, geslag, en die eie woonomgewing op die belewing van verskillende argitektoniese style te bepaal. Vier verskillende argitektoniese style is met behulp van 'n semantiese differensiaal deur 'n groep Duitsers (NOrnberg) en Afrikaanssprekendes (Pretoria), wat in vergelykbare hoogbouwonings woon geevalueer. Die resultate het getoon dat daar in die belewing van argitektoniese style drie belewenisdimensies onderskei kan word, naamlik: 'n a-kulturele belewenisdimensie, 'n kultuurspesifieke, en 'n geslagspesifieke belewenisdimensie. Verdere navorsing oor die spesifieke aard en invloed van die belewenisdimensies behoort nou onderneem te word. *Aan wie korrespondensie gerig moet word Ontvang Maart 1983; aanvaar Februarie 1984 Die ontwerp en konstruksie van die kultuurfisiese omgewing berus deur die eeue heen op een of ander vorm van argitektoniese beplanning. Brett (1972) en Mercer (1975 wys daarop dat hierdie beplanning tradisioneel uitsluitlik op estetiese en simbolieseoorwegings berus het, sonder om die effek wat sulke argitektoniese ontwerpe op menslike gedrag mag uitoefen in aanmerking te neem. Dit is eers gedurende die afgelope dekade wat daar 'n groter bewustheid met gepaardgaande empiriese ondersoeke onder sosiale wetenskaplikes na vore gekom het oor die invloed van die argitektoniese omgewing op menslike gedrag, soos die werke van Canter en sy medewerkers in Engeland, Proshansky en sy medewerkers in die VSA en Franke en sy medewerkers in Duitsland.As reaksie teen hierdie groter bewustheid waarsku Mercer (1975) teen die ontwikkeling van 'n sogenaamde 'argitektoniese determinisme' waar die invloed van die argitektoniese omgewing, uit reaksie teen die vorige negering van die invloed, nou verabsoluteer word as die enkel belangrike bemvloedende faktor; met ander woorde, 'n meer gebalanseerde beskouing word dus bepleit waar die invloed van die argitektoniese omgewing in samehang met ander veranderlikes gesien behoort te word.In hierdie ondersoek sentreer dit nie primer om die uiterlik gemanifesteerde invloede van die kultuurfisiese omgewing op menslike gedrag nie, maar eerder op bepaalde subjektiewe beleweniskwaliteite van verskillende argitektoniese ontwerpe. Uiterlike gedragsinvloede sou egter afgelei kan...