“…Emaitzek erakutsi dute bi hizkuntzen garapena antzekoa dela 5 eta 11 urte bitartean. Era berean, ikasle horien eta ingurune eta etxe euskaldunetako haurren euskara garapena konparatuta, antzekotasun ugari ikusi da, nahiz eta ezberdintasun batzuk ere badauden, bai euskararen alderdi gramatikal batzuen garapenean eta baita alderdi diskurtsibo batzuen garapenean ere: esate baterako, euskal morfologia gaztelaniazko hitz lexikoei txertatuz hizketa elebiduna erabiltzeko ahalmena agertzen da 5 urterekin eta baita 8rekin eta 11rekin ere; eta denborazko testu antolatzaileen ekoizpena goraka doa adinean aurrera egin ahala (Almgren eta Manterola, 2016;Ezeizabarrena, 2012;Manterola eta beste, 2013). Manterolaren (2019) lanean, berriz, gure ikerketako parte hartzaileek 11 urte zituztenean idatzitako errezetak aztertu dira, idatzizko gaitasunak ikertzeko asmoarekin eta ingurune euskalduneko adin bereko euskara H1dunen gaitasunekin alderatzeko.…”