HISTORY, FAITH AND THE GOSPELS. PERSPECTIVES ON THE RELATIONSHIP BETWEEN HISTORY AND THEOLOGY IN BIBLICAL STUDIES
InleidingEen van die mees tipiese kenmerke van die moderne tyd sedert die Verligting is 'n fokus op geskiedenis. In hierdie periode wat oor verskeie eeue heen veral in 'n Westerse konteks beslag vind, ontwikkel 'n historiese bewussyn wat op die gebied van godsdiens histories-kritiese metodes genereer en terselfdertyd aanleiding gee tot fundamentele navorsing oor geskiedenis. So gesofistikeerd 1 is die gesprek oor geskiedenis, die historiese bewussyn en historiese metodes in hierdie tydperk, dat enige verdere denke daaroor slegs in debat daarmee sou kon plaasvindselfs al beteken so 'n moontlike nuwe fase dat met die historisme gebreek sou word. Die Westerse kultuur met sy geestesprodukte is onherroeplik deur hierdie historiese bewussyn gevorm.
2Hierdie historiese bewussyn verklaar die rol van geskiedenis in die Bybelwetenskappe en die belangstelling in die historiese Jesus as 'n belangrike faset daarvan. Dit verduidelik ook waarom daar op nie-tegniese vlak in populêre kontekste soveel aandag gegee word aan publikasies oor die historiese aspekte van die Bybel (bv. die historiese Jesus, die wonders van Jesus, Jona en die vis, ens.).Terselfdertyd daag die die fokus op die historiese die teologie nog steeds uit om helder te dink oor die verhouding van geskiedenis en teologie, of meer toegespits gesê, oor die verhouding van geloof en geskiedenis. Die antwoorde op hierdie vraag kring uit na ander motiewe, temas en probleme in die dissipline en is dus fundamenteel van aard. 'n Enkele voorbeeld of twee in sistematies teologiese kringe sal dit uitlig.1. Vir literatuur oor die gesprek, raadpleeg die meegaande lys. 2. Sien hieroor ook die opmerkings in Ford (1997:5, 7).