Gualtharius Calboli Lectori S.P.D. Has litteras ita te rogo, lector, accipias, tamquam et tibi et his libris conscribendis edendis uale iam dicere pergam. Ad decimum enim uolumen peruenimus, quod non sine aliqua admiratione me fateor commemorare, qui memoria teneam, quanto labore quantaque patientia uolumen primum et alterum sine computer, quod appellant, confecerimus. Nouam prope seriem nunc aperiendam nouumque iter non sine causa quis dixerit esse ineundum. Quod ita probamus, ut hoc consilium, nulla interposita mora, accipiendum esse dicamus. Nouum igitur corpus, ut ita dicam, nouamque formam struendam suscepimus, dum uestem ipsam piget immutare. Quippe collegas addidimus, qui Consilio et opera nos adiuuare possent eosque collegimus, qui optime de lingua Latina (et Graeca) et de linguarum ratione et arte possent disputare. Principes nempe elegimus, qui sua quisque in terra grammaticam summo audientium plausu docere et subtiliter inuestigare consuessent quique nobiscum longa iam essent consuetudine coniuncti et libris nostris conscribendis nonnumquam interfuissent. Nec satis est. Namque Romanae rei publicae exemplum secuti, quae primum per singulos reges, dein per binos cónsules regi coepta esset, ad hanc potissimum rei gerendae rationem deuenimus duosque editores elegimus. Quo mitiore autem et humaniore, ut ita dicam, more nos gereremus, priorem regem non eiciendum de urbe ñeque aqua et igni interdicendum ei esse credidimus -in Gemonias mallent eum ferociores fortassis coniectum -, sed in imperii noui iungendum potius esse societatem. Cónsules igitur dum efßcimus duos, ueterem regem non repudiauimus et illum ipsum consulem creauimus. Cur ita ? Quod non ita superbe, ut Tarquinius, se gesserai -dixerit quispiam. Quoniam sapientius uel cautius ita se gesserai -melius quis addai -, ut superbiam seu reprimerei, seu celaret seseque mortalem ducerei et eum, qui, si non ferro, at senio saltem confici posset et annis. Hue adde, quod multa erant profecto, quae rex uetus teneret, quae Consilio et ratione moderare facile posset quaeque nemo alius pari Brought to you by | Nanyang Technological University Authenticated Download Date | 6/22/15 6:01 PM Vili Gualtharius Calboli ad exitum moderatione perducere. Vno uerbo iam dicam, nauem regere qui multis iam annis et per dolosos Academiae scopulos didicisset, fieri nullo pacto poterai, ut is deiceretur de naui. Quod praeterea sine sanguine non accidisset, cum et ipse rex uetus et sui et clauum et malum et remos et uela omnia diutius iam ministrarent. Deuentum est igitur ad consulem alterum, iuuenem scilicet doctrina spectatum et moribus, qui Longobarda ex terra ualde iam deferuisset multumque de pristina Langobardorum ferocia remisisset, Petrum Aloisium Cuzzolin. Ab undécimo igitur uolumine editores apparebunt duo, Gualtharius uidelicet Calboli et Petrus Aloisius Cuzzolin. Nunc perpauca de iis, quae hoc uolumine continentur. Iis omnibus in primis gratias agendas puto, qui disputationibus suis huic libro conscribendo componendo operam dederunt et noua protulerunt, quae speramus ...