Ekonomia Sozial eta Solidarioko esperientzien sustapena tokiko mailatik

Abstract

Urteetako esperientziak erakutsi duen bezala, tokian tokiko lurraldeetako garapen sozioekonomikoa erdieste aldera Ekonomia Sozial eta Solidarioa (ESS) akuilatzaile garrantzitsua izan daiteke. Zentzu honetan, tokiko garapena eta ESSren arteko harremanaz hausnartzen da lanaren hasieran. Baina ikusiko dugun bezala, paraleloki, tokiko erakundeek ESS sustatzeko duten politika publikoen kopuru eta aniztasuna handia da eta “bigarren belaunaldiko” gisa izendaturiko politikek ESSko esperientziak ernaltzeko aukera eskaintzen dute, tokiko garapen eta beharrei erantzun apropos bat ematen zaien bitartean. Artikulu honetan Euskal Autonomia Erkidegoan tokiko mailan diharduten eragileek hauspoturiko ESSko 16 esperientzien azterketa aurkezten da, bakoitzaren faktore bideratzaileak eta mugatzaileak arakatuz esperientziok beste lurraldeetan erreplikatu ahal izateko gakoak topatzeko asmoarekin.