Book Review: Kuberwoordeboek afrikaans–engels, engels–afrikaans/cyber dictionary afrikaans–english

Abstract

. Pretoria: Protea Boekhuis. Prys/Price: R250.Kuberwoordeboek is 'n opgegradeerde weergawe van die Tweetalige Rekenaarwoordeboek van N. Coetzee, N.F. du Plooy en A.D. de V. Cluver wat in 1985, voor die vestiging van die internet, verskyn het. As 'n mens Kuberwoordeboek die eerste keer sien, is jy verbaas dat 'n publikasie wat so ouderwets lyk, soveel hedendaagse terme kan bevat. Die ouderwetsheid is te wyte aan die Windows 95-rekenaarblokkie op die voorblad. Indien 'n moderner Windows XP-blokkie eerder gebruik is, sou die woordeboek sekerlik meer byderwets gelyk het.Alhoewel die woordelys baie omvattend is, en elke denkbare rekenaarterm insluit van surf tot spyware, klink baie van die vertaalekwivalente wat verskaf word, vreemd in Afrikaans. Neem byvoorbeeld die Engelse term emoticon (enigeen van daardie oulike gesiggies wat 'n mens deesdae in e-posse kan invoeg): Die Afrikaanse ekwivalent wat verskaf word, is emotikon. Tog wonder 'n mens hoeveel mense regtig van emotikons praat. Gebruik hulle nie veel eerder gesiggies in alledaagse taal nie?Dieselfde vrae kan gestel word rondom die bewerking van die werkwoord google, want ten spyte van die regstryd wat tans aan die gang is betreffende google, is dit die term wat die algemeenste gebruik word in Afrikaans. Tog word google glad nie eens as Afrikaanse vertaalekwivalent gelys nie, maar word slegs soekswerf gegee.Alhoewel dit wel waar is dat leksikograwe nuwe terme mag skep wat hulle meen inslag sal vind, is dit belangrik dat die terme wat die algemeenste gebruik word, ook in ag geneem sal word. 'n Wesenlike vraag wat dus ontstaan wanneer 'n mens na hierdie nuutskeppings kyk, is wat hulle rakleeftyd sal wees. Gaan rekenaargebruikers oor 'n jaar of wat boodskappe op hulle werfjoernale of op hulle blogs plaas? En gaan enigiemand weet waarvan 'n mens praat as jy verwys na 'n klikkloot (click potato)?Hier is enkele ander voorbeelde van goeie of slegte vertalings wat in Kuberwoordeboek voorkom: 'n bit map is 'n bispatroon, 'n password 'n wagwoord, 'n hacker 'n kapper, terwyl 'n cracker 'n kuberkraker is. Cyber bugs (byvoorbeeld virusse) word vertaal as kubergoggas en 'n flash disk staan bekend as 'n flitsskyf.Dit is jammer dat Kuberwoordeboek nie meer omvattende leksikografiese bewerkings verskaf nie. Dit blyk 'n woordeboek te wees wat daarop gerig is om vertaalekwivalente, en nie veel meer nie, te gee. As 'n mens byvoorbeeld kyk na die inskrywing aggregate in die Engelse woordelys, sien sy artikel soos volg daar uit: