A Critique of the Kurdish Working Group’s Writing Guide in Terms of Methodology and Scientific Ethics

Abstract

Rêbaz û pabendî bi etîka zanistî ji bo her xebatekê du xalên herî girîng in. Ev her du xal in ku xebatekê serkeftî an jî qels dikin.
 Ev nivîs jî di vê çarçoveyê de nirxandineke li ser Rêbera Rastnivîsînê ya Komxebata Kurmanciyê ye ku ji aliyê Weqfa Mezopotamyayê ve di Kanûna Pêşîn a 2019an de hatiye çapkirin. Ji pirtûkê tê famkirin ku ev Rêber encama çend salan ya Komxebata Kurmancîyê ye û bi beşdarbûna 20 kesan hatiye amadekirin. Ligel ku di maweya çend salan de hatiye amadekirin jî, tê dîtin ku xebat û Rêbera hatiye amadekirin ji aliyê rêbaz û etîka zanistî ve xwedî pirsgirêkên cidî ne. Lewma di vê nivîsê de pirsgirêkên metodolojîk û etîka zanistî yên Rêberê û amadekirina wê hatine nirxandin.