Түйіндеме. Ыстыққа төзімділігі өте жоғары және тығыздығы төмен болып келетін конструкциялық материалдарды жасап шығару мәселелері өзекті болып табылады. Сонымен қатар интерметаллидттер негізінде жоғары температурада төзімді және тығыздығы төмен яғни жеңіл болып келетін Al-Ni интерметалидтер қазіргі таңда үлкен қызығушылықа ие. Осыған байланысты мақалада түйіспелі балқыту әдісімен алынған Al-Ni жүйесінің диффузиялық аймағы зерттелген. Түйіспелі балқыту әдісі арқылы бинарлы жаңа фазалардың интерметалид қоспалары түрінде алынатыны, оның температуралық-уақыттық шарттарын біле отырып интерметалидтердің қолдану аймағын кеңейтуге мүмкіндік жасайтыны көрсетілген. Al-Ni жүйесінен алынған үлгілердің көлденең қимасы арқылы олардың микроқұрылымы, элементтік құрамы растрлық электрондық микроскопия мен рентгенспектралды микроталдау (РЭМ-РСМT), және рентген дифрактометрінің көмегімен зерттелген. Зерттеу жұмыстарының нәтижелері бойынша 1000-1300 С аралығында изотермиялық температурадан кейін интерметалидтердің көп қабатты құрылымы қалыптасқаны көрсетілді. Түйіскен аймақта фазалық құрамы әртүрлі және металдардың шоғырлану белгісіне қарай бірнеше қабаттары орнаған ені құрылады. Түйіспелі балқыту әдісі арқылы тұрақты құрамымен әйгілі Al3Ni, Аl3Ni2, ΑlNi(β), ΑlNi3(α'), Аl3Ni5 интерметалдық қосылыстар анықталды. Сонымен қатар алынған үлгілердің көлденең қималарын салыстыру кезінде, диффузиялық аймақта элементтердің тереңдігі бойынша зерттеулерді өткізу өте тиімді екені көрсетілді. Зерттеулердің нәтижесінде Αl-Ni диаграммасының 1300-1375 С жоғарғы температура аймағында ауыспалы құрамды болатын Al51Ni49, Al36Ni64, Al30Ni70, Al32Ni68 жаңа төрт қосылыс анықталды. Анықталған қабаттар арасындағы көп кеуектер мен жарықшақтардың кездесуі кернеу әсерінен болуы мүмкін. Микроқұрылымың қабаттары дамыған жағдайда кеуектердің пайда болуы, Френкель әсерімен байланысты деп болжанған.Түйін сөздер: түйіспелі балқыту әдісі, растрлық электрондық микроскопия, рентгенспектралды микроталдау, диффузиялық аймақ, көп қабатты құрылым, интерметаллид, диаграмма.