Áhersla á mannréttindi hefur á síðustu áratugum komið sterkar fram í menntastefnum vestrænna ríkja og er Ísland þar á meðal. Máttur menntunar er mikill, sér í lagi þegar tryggja þarf mannréttindi og mannúð í síbreytilegum heimi. Því er mikilvægt að menntakerfi leggi áherslu á að börn og ungmenni læri um réttindi sín, ábyrgð og skyldur sem er grunnur þess að lifa í samfélagi með öðrum. Með þetta að leiðarljósi varð þróunarverkefnið Réttindaskóli UNICEF til hér á landi árið 2016–2017. Tilgangur greinarinnar er í fyrsta lagi að rekja í sögulegu ljósi hvernig réttindi barna og ungmenna þróast í íslenskri menntalöggjöf og fá dýpri og víðari merkingu frá fyrstu löggjöfinni um fræðslu barna árið 1907 til þeirrar nýjustu árið 2008 um grunnskólastarf. Í öðru lagi að kynna niðurstöður úr fyrstu tilviksrannsókn hér á landi á Réttindaskólaverkefni UNICEF. Tekin voru þrjú viðtöl við skólafólk í tveimur Réttindaskólum um sýn þess á markmið, leiðir og gildi verkefnisins. Einnig var aflað gagna frá UNICEF um hugmyndafræði Réttindaskóla og af vefsíðum þeirra tveggja um áherslur skólanna. Fram kom að skólarnir nutu mikilvægs stuðnings UNICEF við innleiðingu Réttindaskólaverkefnisins. Samhliða hafi verkefnið verið þróað og aðlagað að ferlum sem fyrir voru í skólunum. Viðmælendum þótti vel hafa tekist til við að auka þekkingu og skilning nemenda á réttindum sínum og ábyrgð og verkefnið hafa stutt við áherslur núgildandi grunnskólalaga og aðalnámskrár. Tækifæri til þátttöku nemenda í skólastarfi hafi aukist, til dæmis með setu í réttindaráði og nemendafulltrúar lært að sækja lýðræðislegt umboð til annarra nemenda. Í hnotskurn má segja að Réttindaskólaverkefnið sé að mati viðmælenda gott veganesti fyrir nemendur í samtíð og framtíð. Það hafi stuðlað að framförum í skólastarfi með bættum skólabrag, samskiptum og aukinni samábyrgð. Það hafi einnig stutt við lýðræðislega starfshætti og tækifæri til að vinna með mannréttindi og aðrar grunnstoðir í skólasamfélaginu.
Gæðakerfi háskóla víðs vegar um heiminn hafa að leiðarljósi að tryggja gæði menntunar og að prófgráður standist alþjóðleg viðmið. Slík viðmið eru grunnur gæðamenningar þar sem starfsfólk háskóla og nemendur rýna starf skólans og vinna að umbótum á hverjum tíma. Markmið þessarar rannsóknar var að kanna með viðtölum við stjórnendur, kennara og nemendur í íslenskum háskóla, hvernig mat er lagt á gæði náms og kennslu við skólann, hvaða sýn þeir hafa á matið og hvernig unnið er með niðurstöður þess. Tekin voru einstaklingsviðtöl við fjóra stjórnendur, tvö rýnihópaviðtöl við níu kennara og fjögur rýnihópaviðtöl við 15 nemendur. Meginniðurstaða rannsóknarinnar er að til þess að fá heildstætt mat á gæðum náms og kennslu sé mikilvægt að kalla eftir fjölbreyttu mati. Kennslukönnun gegni ákveðnu hlutverki við að fá yfirsýn á námsleiðir og gengi námskeiða og hún gefi möguleika á samanburði á gæðum náms og kennslu innan háskóla. Þó sé nauðsynlegt að bregðast við ábendingum stjórnenda, kennara og nemenda um framkvæmd kennslukönnunar og inntak spurninga sem þurfi að eiga við það nám og námsumhverfi sem spurt er um. Þá þurfi að hvetja nemendur til aukinnar þátttöku bæði í kennslukönnunum, matsfundum, ráðum og nefndum þar sem fjallað er um nám og kennslu. Aðkoma kennara og stjórnenda sé jafnframt brýn, bæði þurfi þeir að kynna sér niðurstöður mats og hlusta á raddir nemenda með það að markmiði að gera umbætur á námi og kennslu. Allir þátttakendur voru sammála um að öflugt samtal og samstarf nemenda, kennara og stjórnenda væri lykilaðferð við að meta gæði náms og grunnur að áframhaldandi þróun þess.
The aim of the study is to explore young people’s attitudes towards political participation, both towards social-movement participation, such as taking part in protecting the environment and advocate for human rights; and towards more conventional participation such as voting. Their attitudes are examined in relation to their understanding of democracy, their empathy level, their parents’ support, and both their own and their parents’ conventional and social-movement participation. The study is a part of the research project, Young People’s Civic Engagement in a Democratic Society. The participants are Icelandic, age 14 and 18, in total 1042. They all responded to a questionnaire and 21 of them were interviewed. The study’s main findings were: Proportionally more young people emphasized social-movement participation than conventional participation. The more understanding they had of democracy and the higher level of empathy they expressed, the more positive attitudes they had towards social-movement participation. Furthermore, those who experienced more parental support and reported their own or their parents’ conventional and social-movement participation had more positive attitudes towards social-movement participation. Fewer factors were related to the young people’s attitudes towards conventional participation. The more girls found characteristics of democracy important, the more positive attitudes they had towards conventional participation; also, if their parents had participated in political parties. The interviews revealed that the young people felt social-participation an important way to have a voice, be active, and to have an impact on societal issues. Lack of trust towards authorities reduced their political participation. Also, they called for information about ways and fields to be active.
Á unglingsárum takast einstaklingar á við ýmsar breytingar og áskoranir. Góð andleg líðan er forsenda velferðar fólks og því vekur það áhyggjur að henni fer hrakandi hjá ungmennum á Vesturlöndum. Áhyggjur beinast einnig að vímuefnaneyslu ungmenna en sífellt koma fram nýjar áskoranir í því efni. Markmið rannsóknarinnar var að kortleggja andlega líðan og vímuefnaneyslu ungmenna og skoða samband þessara þátta við gæði tengsla við foreldra og kyn. Einnig átti að kanna hjá ungmennum samband andlegrar líðanar, gæða tengsla við foreldra, kyns og efnahagslegs bakgrunns við áfengis- og kannabisneyslu. Notuð voru gögn úr rannsókninni Heilsa og lífskjör skólabarna þar sem nemendur í 10. bekk svöruðu spurningalistakönnun. Niðurstöður gáfu til kynna að fjórðungur ungmenna upplifði slök tengsl við foreldra og að þau væru líklegri en hin sem upplifa góð eða mjög góð tengsl, til að líða illa og nota vímuefni. Stúlkur notuðu ekki minna áfengi en drengir þó kannabisneysla þeirra væri minni, þær voru líklegri en drengir til að meta tengsl við foreldra slök og ólíklegri til að meta tengslin mjög góð. Tengsl voru einnig milli andlegrar vanlíðanar ungmenna, slakra tengsla við foreldra og verri fjárhagsstöðu fjölskyldu og þess að vera líklegri en þau sem líður betur, hafa betri tengsl og búa við betri fjárhagsstöðu, til að nota bæði áfengi og kannabis. Jafnframt voru tengsl milli vanlíðunar og vímuefnaneyslu óháð tengslum ungmenna við foreldra. Nýta þarf snemmbær inngrip þegar einkenni um andlega vanlíðan gera vart við sig. Hvetja þarf foreldra til að hlúa að góðum tengslum við börn sín og auka þarf þekkingu og hæfni uppeldisaðila til þess að bregðist við vanlíðan ungmenna. Loks þarf að tryggja betra aðgengi að geðheilbrigðisþjónustu í samfélaginu og draga þannig úr líkum á að andleg vanlíðan á unglingsárum þróist á verri veg og ungmenni leiti til bjargráða eins og vímuefna til þess að deyfa hana.
scite is a Brooklyn-based organization that helps researchers better discover and understand research articles through Smart Citations–citations that display the context of the citation and describe whether the article provides supporting or contrasting evidence. scite is used by students and researchers from around the world and is funded in part by the National Science Foundation and the National Institute on Drug Abuse of the National Institutes of Health.
hi@scite.ai
10624 S. Eastern Ave., Ste. A-614
Henderson, NV 89052, USA
Copyright © 2024 scite LLC. All rights reserved.
Made with 💙 for researchers
Part of the Research Solutions Family.