Akuaponia, akuikultura eta hidroponiaren konbinaketaren bidez, arrain zein landareak ekoizteko birzirkulazio-sistema bat da, non bakterio nitrifikatzaileek arrainek iraitzitako hondakin metabolikoak landareentzako ezinbertzekoak diren mantenugai bihurtzen dituzten. Akuikultura zein hidroponia sistema konbentzionalekin alderatuta, akuaponia sistemak ingurumen inpaktu zein uraren erabilera murritzagoa aurkezten du. Hala eta guztiz ere, akuaponia sistemak arrain-irinarekiko daukan menpekotasuna nabarmentzekoa da. Hori dela eta, lan honetan, Tenebrio molitor (TM) intsektu espeziearen larbak arrainen dietan proportzio ezberdinetan gehitu dira (% 0, 25 eta 50), honek arrain-irina ordezkatzeko duen gaitasuna zehazteko ortzadar-amuarrainez (Oncorhynchus mykiss) eta letxugez (Lactuca sativa) osaturiko akuaponia sistema batean. Horretarako, dieta ezberdinekin elikaturiko akuaponia sistemetan uraren propietate fisikokimikoak (tenperatura, pHa, eroankortasun elektrikoa, eta nitrogeno konposatuen kontzentrazioa) eta ortzadar-amuarrainen zein letxugen hazkuntza ebaluatu dira. Uraren parametroei dagokienez, nahiz eta parametro batzuk maila optimoa gainditu, ez dute amuarrainen zein letxugen hazkuntzan eragin, sistema oro har orekan mantendu baita. Aipatzeko da, TM larbak gehitu ez diren tangetan letxugen hazkuntza handiagoa izan dela, baina TM larbak % 25ean gehitu direnean, amuarrainen hazkuntzan hobekuntza nabarmen bat ikusi dela, honela, TM espeziearen larbek arrain-irinean oinarritutako pentsua ordezkatzeko duten ahalmena baieztatuz.
scite is a Brooklyn-based organization that helps researchers better discover and understand research articles through Smart Citations–citations that display the context of the citation and describe whether the article provides supporting or contrasting evidence. scite is used by students and researchers from around the world and is funded in part by the National Science Foundation and the National Institute on Drug Abuse of the National Institutes of Health.
hi@scite.ai
10624 S. Eastern Ave., Ste. A-614
Henderson, NV 89052, USA
Copyright © 2024 scite LLC. All rights reserved.
Made with 💙 for researchers
Part of the Research Solutions Family.