OPSOMMINGHierdie artikel bied basiese inligting oor die eetgewoontes van landelike Swazi-huishoudings. Dit bevat 'n oorsig van die literatuur in verband met Swazi-eetgewoontes gedurende die afgelope ses dekades asook die bevindings van 'n gevallestudie oor die eetgewoontes van tien geselekteerde Swazi-huishoudings in Ka-Mantsholo in die Badplaasdistrik.Hamilton se model (1987) vir die drie komponente van kultuur, naamlik tegnologie, sosiale struktuur en ideologie, is vir die teoretiese raamwerk gebruik. Die gepubliseerde literatuur asook die bevindings van die gevallestudie dui daarop dat die beskikbare tegnologie 'n invloed op die tradisionele asook die huidige eetgewoontes van landelike Swazi-huishoudings uitgeoefen het. Die bevindings van die gevallestudie dui op akkulturasie met betrekking tot die eetgewoontes van hierdie groep huishoudings, veral ten opsigte van die aanvaarding en insluiting van sekere Westerse voedselsoorte en voedselbereidingstegnieke. Ten spyte van akkulturasie vorm tradisionele Swazi-geregte wat van inheemse gewasse en veldplante berei word, egter steeds 'n belangrike komponent in die Swazi dieet. Tradisionele voedsel en voedselbronne behoort dus in voedselsekuriteitsprogramme ingesluit te word. Op sy beurt bepaal die beskikbare tegnologie die beskikbaarheid en verbruik van hierdie voedsel.-Ms MS Kgaphola -Mrs AT Viljoen
OPSOMMINGEen van die primêre oogmerke van die Departement Landbou, Bewaring en Omgewing van Mpumalanga is om die voedselsekuriteit van landelike huishoudings te bevorder. Die Afdeling -Landbouhuishoudkunde is verantwoordelik om hierdie proses te fasiliteer. Dit is belangrik dat wanneer huishoudings voedsel geproduseer of bekom het, hulle dit ook op so 'n wyse prosesseer, berg, berei en verbruik dat hulle die grootste nutrisionele, kulturele en sosiale nut uit die voedselverbruik verkry. Tans is die voorligtingsprogramme gerig op hierdie aspekte nie op 'n oorkoepelende benadering gebaseer nie. Om effektiewe voorligtingsprogramme te ontwerp wat landelike huishoudings kan bemagtig met relevante kennis oor die verkryging en verbruik van voedsel vir die verbetering van gesondheid, is dit nodig om relevante kennis oor die konteks waarin landelike huishoudings leef en funksioneer en die wyses waarop hulle voedsel verkry en verbruik sowel as die faktore wat dit beïnvloed in te win. Om die nodige kennis en insig te bekom oor die verkryging en gebruik van voedsel deur landelike huishoudings, is 'n verwysingsraamwerk wat die voedselverkryging en -gebruik holisties benader, saamgestel. Die voorstel is dat hierdie verwysingsraamwerk gebruik kan word wanneer voedselverkrygings-en -verbruikspatrone by landelike huishoudings geanaliseer word. Die verwysingsraamwerk word in hierdie artikel beskryf.
scite is a Brooklyn-based organization that helps researchers better discover and understand research articles through Smart Citations–citations that display the context of the citation and describe whether the article provides supporting or contrasting evidence. scite is used by students and researchers from around the world and is funded in part by the National Science Foundation and the National Institute on Drug Abuse of the National Institutes of Health.
customersupport@researchsolutions.com
10624 S. Eastern Ave., Ste. A-614
Henderson, NV 89052, USA
Copyright © 2024 scite LLC. All rights reserved.
Made with 💙 for researchers
Part of the Research Solutions Family.