Түркістан Облысы Жағдайында Жеміс Ағаштардың Ақ Ұнтақ Ауруының Даму Ерекшеліктері Және Заманауи Фунгицидтерді Қолдану Тиімділігі

Abstract

Мақалада Түркістан облысы жағдайында жеміс ағаштарының ақ ұнтақ ауруы зерттелді. Ауруға қарсы фунгицидтер қолданылып, олардың биологиялық тиімділіктері туралы мәліметтер келтірілді. Зерттеу жұмыстары Түркістан облысының негізгі жеміс зоналарының – Темірлан, Қазығұрт аудандарында орналасқан бақтарына жүргізілді. Алма,алмұрт ағаштарының ақ ұнтақ және басқа да дақ ауруларына, монилиозға; алхоры, өрік, шабдалы, шие, кызыл шиенің клястероспориозы, монилиозы, бұйралану кеселдеріне қарсы ерте көктемде, бүршіктену кезінде немесе одан ерте 3-4% бордос сұйығымен өңдеу; екіншісін - гүлдеуден кейін 1% бордос сұйығы немесе 90% мыс хлороксиді, с.ұ. - 0,4% ерітіндісімен бүркіп, үшіншісін - 15-20 күннен кейін қайталау. Зерттеу кезінде алманың вегетация кезінде ақ ұнтақ ауруына қарсы купроксат 34,5% паста түрінде - 5 кг/га (эталон), байлетон, 25% с.ұ. - 0,2 кг/га; флуалет с.к 0,15л/га фунгицидтерімен 3 қайтара бүрку жүргізілді: біріншісі - гүл түйіні қызғылттана бастағанда; екіншісі - гүлдеуден кейін;үшіншісі - екінші өңдеуден 10-15 күн өткен соң. Зерттеулер нәтижелерінен көріп отырғанымыздай, ақ ұнтаққа қарсы ең тиімді фунгицид Флуалт, с.к 250 г/л болып табылды. Биологиялық тиімділігі 97,8%, ал эталонмен салыстырғанда, Бельфлер сортында 65,3 пайыз құрады. Демек, алманың ақ ұнтағымен күресуде Флуалт, к.с 250 г/л., өте жоғары көрсеткіш көрсетті.