Сайхан-Овоогийн Нүүрсний Шинж Чанар Ба Пиролизын Судалгаа

Abstract

ÎрøèëМанай улсын хэмжээнд 40 орчим уурхайгаас 70 гаруй аж ахуй нэгж байгууллага нүүрс олборлон цахилгаан станц, албан байгууллага, айл өрхийн хэрэгцээнд эрчим хүч, дулааны эх үүсвэр болгон түлшинд ашиглах зорилгоор олборлож байна. Манай орны нүүрсний нөөц 152 тэрбум.тонн ба дэлхийд нүүрсний нөөцөөрөө 12-р байр эзэлж байна. Техник технологийн хөгжлийн хурдац өндөр байгаа өнөө үед байгалийн нөөц баялаг тэр дундаа нефть ба хатуу түлшийг боловсруулан эргэлтэнд оруулж үр дүнтэй ашиглах нь улс орны эдийн засгийн тулгамдсан асуудал болж байна. [1]. Иймээс тухайн нүүрсний ордуудад бүрэн судалгаа шинжилгээ хийж нүүрсний ангилал , ашиглах чиглэлийг тогтоох ажил бидний өмнө тавигдсан билээ. Сайхан Овоогийн нүүрсний орд нь Булган аймгийн Сайхан сумын төвөөс баруун хойш 22 км-т оршдог, геологийн бүтцээрээ дунд юрийн үеийн настай хурдсаас тогтсон юм. Орд нь доод суурийн ба дээд ашигт гэсэн 2 давхаргаас тогтоно. 1988-1999 онд геологийн үнэлгээний ажил хийгдэж ордын төв хэсгээр өрөмдлөг хийж нүүрсний давхаргууд нь бялхмал чулуулгын доогуур сунасан хэлбэрээр үргэлжилж байгааг илрүүлж, нөөцийг С 1 =23950.5 мян.т, С 2 =10714.4 мян.т нийтдээ 34.7 сая.тн гэж тогтоожээ.[2] Бид харьцангуй бага судлагдсан энэхүү ордын нүүрснээс дээж авч техник шинж чанарууд, органик ба эрдэс хэсгийн элементийн найрлага, пиролизын бүтээгдэхүүнүүдийн гарц зэргийг судлах зорилт тавьж ажиллав.Судалгааны материал, аргазүй Судалгаанд уг ордын нүүрснээс аналитик дээж бэлтгэн нүүрсний техник үзүүлэлтүүдийг холбогдох стандарт аргуудаар [3] тухайлбал чийг-УСТ656-79,