Vieiros literarios do ecofeminismo en Galicia e Irlanda

Abstract

O presente traballo reúne a escritoras actuais de Galicia e Irlanda que reflexionan sobre a práctica ecofeminista da súa escrita. As súas achegas identifican os principais debates de hoxe sobre a relación da muller coa natureza nun espazo, como o da literatura, que é especialmente privilexiado para, non simplemente representar o mundo, senón imaxinalo e configuralo doutros xeitos menos destrutivos da outredade. Estas escritoras (narradoras e poetas) comparten unha ecorrexión, a Atlántica, que afronta desafíos semellantes, pero mesmo desde as súas diferenzas, as autoras achegan reflexións de relevancia mutua ás dúas comunidades sobre, entre outras cuestións, a muller e o seu corpo, a muller do rural, muller e animalidade, o antropomorfismo e o cambio climático.