ӨМНӨХ ҮГСИТИ Их сургууль болон олон улсын СИТИ Science сэтгүүлийн редакцийн зүгээс эрхэм уншигчиддаа шинэ 2024 оны мэнд дэвшүүлж эрдэм судалгааны ажилд нь өндөр амжилт хүсэн ерөөе.Шинжлэх ухааны ололт, амжилт, тулгамдсан асуудал, чиг хандлагыг тодорхойлох эрдэмтэн, багш, оюутнуудын чөлөөт индэр, академик эрх чөлөөний талбар болох зорилготой СИТИ Science сэтгүүлийн DOI дугаар бүхий 4-р ботийг та бүхэндээ өргөн барьж байгаадаа бид баяртай байна. Сэтгүүлд хэвлэж буй өгүүллүүд DOI дугаартай болсноор олон улсын нэр хүнд бүхий эрдэм шинжилгээний бүтээлийн бүртгэлийн санд бүртгэлтэй болох боломжтой болж байна.Улс орны хөгжил дэвшил шинжлэх ухаанд суурилсан бодлого, үйл ажиллагаанаас хамаарч буй өнөө үед шинжлэх ухааны шинэлэг судалгаа шинжилгээний үр дүнг олон улсын түвшинд танилцуулах, сурталчлах, хамтран ажиллахад "СИТИ Science" сэтгүүл маань олон улсын бүртгэлийн системд бүртгэгдэж байгаа нь өндөр ач холбогдолтой бөгөөд СИТИ Их сургуулийн эрхэм зорилгод бүрнээ нийцэж байна.Энэ дугаарт АНУ, Япон, Шинэ Зеланд, Малайз, Монгол улсын зохиогчдоос ирсэн 6 өгүүлэл мэргэжлийн шүүмжлэгчдээр хянуулсны дараа хэвлэгдэж байгаа бөгөөд өгүүллүүүд та нарын сэтгэлд нийцнэ гэж итгэж байна. Эрхэм уншигчид, эрдэмтэн судлаачид та бүхнийг өөрсдийн эрдэм шинжилгээний өгүүллээ илгээхийг урьж байна. Сэтгүүлийн тухай дэлгэрэнгүй мэдээллийг https://citi.edu.mn/citi-science/ интернэт хуудаснаас авч болно.