The Tombs Of Warriors, According To The Data Of The Cemetery Of Bardzrial (Late II Millennium – First Quarter Of I Millennium BC)

Abstract

Հայկական լեռնաշխարհի հյուսիս-արևելքում պեղված բազմաթիվ հուշարձանների տվյալները վկայում են տարածաշրջանում ռազմականացման և «կանոնավոր ռազմական միավորների» ձևավորման աննախադեպ ծավալների մասին: Մասնագիտական գրականության մեջ բազմիցս է շեշտվել, որ հասարակության սոցիալական կազմում մ.թ.ա. II հազ. վերջերից կայուն տեղ է զբաղեցրել արհեստավարժ զինվորների խավը: Այս գործընթացների հնագիտական փաստագրման կարևոր վկայությունն են նաև տարբեր դամբարանադաշտերում բացված «ռազմիկի դամբարանները»: Այս տվյալները ենթարկելով ներխմբային վերլուծության՝ հնարավորություն ենք ստանում պատկերացում կազմելու հնագույն հանրության սոցիալական կազմի ու կառուցվածքի վերաբերյալ՝ մեկ կոնկրետ համայնքի կամ տարածաշրջանի համար: