Studies of The Mesopotamia Foundation in The Context of Language Planning

Abstract

Ev xebat bi piranî di çarçoveya plankirina zimanî de pêk tê. Plankirina zimanî dibe ku ji bo gelek armancên cuda pêk were. Yek ji wan armancan jî standardizasyona zimanan e. Plankirina zimanî ya ji bo armanca standardîzasyonê ji xebatên sereke yên mîna plankirina korpûs, plankirina statu û plankirina wergirtinê pêk tê. Xebatên plankirina zimanî dibe ku ji alîyê kesan yan jî ji alîyê sazîyan ve bên kirin. Mijara vê lêkolînê jî xebatên Weqfa Mezopotamyayê yên plankirina zimanî ne. Ev xebat ji destpêk û sê beşan pêk tê. Di beşa yekem de paşxaneya teorîk ya plansazîya zimanî hatîye dayîn. Di beşa duyem de paşxaneya plansazîya kurdîya kurmancî bi kurtasî hatîye dayîn û di beşa sêyem de jî kar û xebatên Weqfa Mezopotamyayê di çarçoveya plansazîya zimanî de hatîye nasandin û nirxandin. Ji bo ku em vê xebatê bikin me sûd ji xebatên lîteraturê wergirt û me hevdîtin bi avakar, dilxwaz rêveber û koordînatorê Weqfa Mezopotamyayê re kir.