Research Into Hydrocracking Process of Fuel Oil in the Presence of Oil-Shale

Abstract

Məqalədə mazutun suspenzləşdirilmiş yüksəkdisperli yanar şistin iştirakı ilə hidrokrekinq prosesinin nəticələri verilmişdir. Yanar şistin miqdarının hidrokrekinq prosesinin gedişinə təsiri öyrənilmişdir. Müəyyən edilmişdir ki, mazutun yanar şistin əlavəsi olmadan-termiki hidrokrekinqi nəticəsində 60% həcm açıq rəngli neft məhsulları alınır. Sistemə 10%-ə qədər yanar şist əlavə etdikdə açıq rəngli neft məhsullarının çıxımı 10-15 % artaraq 75% həcm təşkil edir. Mazutun yanar şistlə birgə hidrokrekinqindən alınan benzin fraksiyası stabil olmaqla, tərkibində aromatik və doymamış karbohidrogenlərin miqdarının aşağı olması ilə xarakterizə olunur. Onun oktan ədədi tədqiqat üsulu ilə 80-82 p təşkil edir. Dizel fraksiyası da tərkibində aromatik karbohidrogenlərin az olması ilə xarakterizə olunur ki, bu da onun setan ədədinin 44-46 p olmasına gətirib çıxarır.