Quyularin Qazilmasinin Səmərəli̇li̇yi̇ni̇n Artirilmasinda Tutulma Təhlükəsi̇ni̇n Aradan Qaldirilmasi İmkanlarinin Nəzəri̇-Təcrübi̇ Xüsusi̇yyətləri̇

Abstract

Neft və qaz yataqlarının ehtiyatlarının rasional mənimsənilməsi məqsədilə quyuların qazılmasının səmərəli üsul və texnologiyalarının tətbiqi xüsusi əhəmiyyət kəsb edən məsələlərdən hesab edilir. Quyuların qazılması təcrübəsində tez-tez elə mürəkkəbləşmələrlə qarşılanır ki, onları aradan qaldırmadan qazılma prosesinin səmərəliliyini əldə etmək mümkün olmur. Belə mürəkkəbləşmələrə nümunə olaraq, quyuda qazma alətlərinin, kəmər borularının və digər avadanlıqların tutulması nəticəsində yaranan mürəkkəbləşmələri misal göstərilə bilər. Bu mürəkkəbləşməyə gətirən səbəblər quyunun qazılma üsulundan, onun profilindən, süxurların litoloji-fiziki xüsusiyyətlərindən və sairdən asılı olaraq müxtəlif təbiətdə ola bilərlər. Quyuların qazılması prosesində meydana gələn bu mürəkkəbləşmə və onun səmərəli surətdə qarşısının alınması və ya aradan qaldırılmasının təşkil edilməsi hazırda geniş istifadə olunan dərin qazma və maili istiqamətli qazma şəraitləri üçün daha mühüm aktuallıq kəsb edən məsələlərdən hesab edilir. Bununla əlaqədar olaraq, məqalədə quyuların qazılması prosesində rast gəlinən tutulma hallarını doğuran səbəblərin elmi-təcrübi izahı verilmiş, eləcə də onların aradan qaldırılması imkanları təhlil edilmişdir. Açar sözlər: quyuların qazılması, tutulma təhlükəsi, mürəkkəbləşmə, qazma aləti, maili istiqamətli qazma.