Optimal control of the electromechanical system according to the combined criterion

Abstract

Ավետիսյան Վ.Վ. Էլեկտրամեխանիկական համակարգի օպտիմալ ղեկավարումն ըստ կոմբինացված ցուցանիշի Հիմնաբառեր: Օպտիմալ ղեկավարում, փոխանցման կոր, օպտիմալ ղեկավարման սինթեզ, էլեկտրամեխանիկական համակարգ, կոմբինացված ֆունկցիոնալ: Դիտարկվում է ազատության մեկ աստիճանով էլեկտրամեխանիկական համակարգի օպտիմալ ղեկավարման կառուցման խնդիրը: Որպես օպտիմալության ցուցանիշ դիտարկվում է ֆունկցիոնալ, որը հաշվի է առնում ինչպես էլեկտրաշարժիչի կողմից ստեղծած պտտման մոմենտի իմպուլսը, այնպես էլ ղեկավարման պրոցեսի ժամանակը: Մաքսիմումի սկզբունքի մեթոդով կառուցվել է օպտիմալ ղեկավարում սինթեզի տեսքով, որն ապահովում է համակարգի տեղափոխումը ցանկացած սկզբնական վիճակից տրված վերջնական հանգստ վիճակ և այդ ընթացքում նվազագույն արժեք է ստանում կոմբինացված ֆունկցիոնալը: Համակարգի փուլային հարթության մեջ կառուցվել են կորեր, որոնցով առաջացած տիրույթներից, կախված թե որին է պատկանում սկզբնական վիճակը, համակարգի օպտիմալ տեղափոխումը կոորդինատների սկզբնակետ իրագործվում է ինչպես առանց փոխանցման, այնպես էլ մեկ և երկու փոխանցման պահերով ղեկավարման ռեժիմներով: Ստացվել են օպտիմալ ղեկավարման փոխանցման պահերի և ղեկավարման պրոցեսի օպտիմալ ժամանակի հաշվարկման բանաձևերը: