O pensamento antropolóxico de Manuel M. Murguía. Raza e cultura

Abstract

foi un dos personaxes mais senlleiros da cultura galega durante a segunda metade do século XIX e as dúas primeiras décadas do presente. Chamado, con xustiza, ó fmal da súa longa vida «O Patriarca», a súa obra e as súas actividades vitáis abranxeron múltiples aspectos, en moitos dos cales deixou unha importante pegada: escritor, xornalista, arquiveiro e bibliotecario, historiador, estudioso da cultura popular galega, afeccionado á arqueoloxía, crítico literario, político, animador cultural... A súa producción intelectual, pois, caracterízase non só pola súa dimensión cuantitativa, senón, e sobre todo, pola súa grande trascendencia cualitativa que amosou de cara ó porvir (Velasco Souto, 1998:23).Por salientar só dous ámbitos nos que a súa influencia se demostrou especialmente importante e duradeira, foi Murguía -como ten demostrado Ramón Máiz-o primeiro teorizador da nacionalidade galega, da súa fundamentación e da súa xustifícación; teorización que en esencia sería recollida posteriormente polo nacionalismo galego no século actual. Ademáis, como historiador, a súa visión da historia de Galicia en boa parte segue a estar presente hoxe en día e, para ben ou para mal, continúa influenciando a maneira en como os galegos e as galegas concibimos o noso pasado.

Manuel Murguía e a lenda de Breogán

“…141-224;VILLARES PAZ, 2001, pp. 550-557); o pensamento antropolóxico (PEREIRA GONZÁLEZ, 2000); as achegas ás investigacións arqueolóxicas e etnográficas (BLANCO PÉREZ, 1992, pp. 34-35, 49-55, 75-76;MARTINÓN-TORRES, 2000;PEREIRA GONZÁLEZ, 1998, pp.…”