O estudo da infancia e da adolescencia desde a perspectiva histórico-educativa. Perfís posíbeis para a investigación actual

Abstract

Achegarnos aos antecedentes con respecto ao estudo da infancia e da adolescencia desde a perspectiva histórico-educativa sitúanos ante o estado actual das investigacións neste eido e, igualmente, permítenos trazar novos horizontes a partir de retos e interrogantes que fican por resolver. Mediante esta aproximación historiográfica pretendemos ofrecer un percorrido que, tendo presentes as principais mudas acontecidas desde os incipientes traballos desenvolvidos a partir dos anos sesenta do século pasado, suscite novas posibilidades para a investigación en torno á infancia e á adolescencia na actualidade.