“…Como é evidente, esta grande viraxe veu acompañada por unha diversificación tanto das liñas e métodos de investigación canto dos suxeitos de estudo. Á luz da crecente atención conferida ao fenómeno global do neofalantismo recentemente, son moitos os contributos que visan revisitar e reavaliar aspectos tan fundamentais como a distinción entre "falante nativo" e "neofalante" (O'Rourke & Pujolar, 2013;Jaffe, 2015;Atkinson, 2018;Murchadha, Hornsby, Smith-Christmas & Moriarty, 2018) ou o papel chave das "minorías lingüísticas" (May, 2008;Moscovici & Mugny, 1983). Na verdade, a cuestión do "falante nativo" como sinónimo de "falante-ouvinte ideal", cando menos nunha perspectiva teórica, xa captou o interese de Chomsky (1971: 5) e mesmo de Fishman (1991), para quen a recuperación de calquera lingua está intimamente ligada á reconstrución da comunidade de falantes nativas e nativos.…”