NdFeB iman sinterizatuen garrantzia eta haien produkzio bideak

Abstract

Gaur egungo eta etorkizuneko teknologien garapenean giltzarri dira material magnetikoak. NdFeB imanak trantsizio energetikorako material garrantzitsuak dira, sorgailu eta motor elektrikoetan erabiltzen dira eta. Aparailu elektroniko askok ere, ordenagailuak edo smartphoneak adibidez, NdFeB imanak dituzte barnean. Kritikoak diren elementu kimikoak dituzten arren, lur arraroak eta kobaltoa kasu, material hauek dira gaur egun merkatu handiena duten imanak, energi produktu altuena ere baitute. Iman hauen gehiengoa hauts-metalurgia bidez ekoizten da, fase likido bitarteko sinterizazioa erabiliz. Prozesu honetan banda galdaketa, ehoketa, orientazioa, sinterizazioa eta suberaketa dira eman beharreko pausoak.