Menaxhimi dhe masat mbrojtëse për lagunat e bregdetit Adriatik në kuadrin e ndryshimeve klimatike

Abstract

Bregdeti i Adriatikut karakterizohet nga prania e një larmie të madhe sistemi lagunor, i cili si rezultat i ndryshimeve klimatike kërkon një studim të plotë për mbrojtjen dhe menaxhimin e tyre.
 Qëllimi i studimit është të identifikojë vlerat e këtij kompleksi ligatinor që ndodhet në vijën bregdetare, duke u identifikuar si një rajon sa më i ndjeshëm ndaj ndryshimeve klimatike. Ky punim bazohet në studimet, dhe analizat e kryera gjatë dekadave të fundit, të cilat kanë përfshirë specialistë të fushave të gjeomorfologjisë, gjeografisë, urbanistë, që po ngrenë zërin për ruajtjen me çdo kusht të këtyre ekosistemeve. Prandaj, mendojmë se me anë të këtij studimi mund të sugjerojmë gjetjen e zgjidhjeve, jo vetëm gjeografët por edhe gjeologët, demografët që merren me studimi i mundësimit të hapësirës dhe ndërgjegjësimi i organeve të pushtetit vendor dhe qendrore për mbrojtjen dhe ruajtjen e këtyre pasurive gjenden natyrore përgjatë bregut të Adriatikut.
 Në dekadat e fundit shumica e ekosistemeve lagunore dhe atyre bregdetare kanë përjetuar presion të madh antropogjen, i shoqëruar me lëvizjet e mëdha migratore të popullsisë nga brendësia e vendit në zonat bregdetare. Këtë fenomen e përjetoi në mënyrë dramatike vendi ynë pas shembjes së sistemit komunist dhe hemorragjia e kësaj lëvizjeje ka sjellë pasoja mjaft të rënda për zonat bregdetare, të cilat kanë rënë pre e veprimeve të pandërgjegjshme të njerëzve, duke sjellë prishjen e ekuilibrit natyror të këtyre ekosistemeve lagunore.