Lujanbiotik Lujanbiora, nondik nora kanbioa

Abstract

Artikulu honek gogoeta egiten du bertsogintzak 1936tik gaur arte bete dituen funtzioen inguruan. Funtzio horien aldian aldiko agerraldietatik aztertzen da zein izan diren aldaketa nabarmenenak bertsoen artearen betekizun sozial eta kulturaletan: zer bide egin den bertsoak sortzearen herri-jarduera biluziaren praktikatik (bertsogintza) jardueraren inguruan eratu den mugimendu sozial hain arrakastatsura (bertsolaritza). Testuinguru horretan aztertzen dira, besteak beste, garaien eta ikusmoldeen bilakabidearen adierazgarri berezi modura, tradizionalki bertsoetan zirigai izan diren emakumeen irudikapenak, eta, kontrastean, azkenaldian generoaren gaiak irabaziz joan den presentzia.