Kənd Təsərrüfatinda Bi̇oloji̇ Preparatlarin İsti̇fadə Perspekti̇vləri̇

Abstract

Kənd təsərrüfatının inkişafı nəticəsində yaranan aqroekosistemlər insan və təbiət əməyinin birgə məhsuludur. Aqroekosistemlərin xarakteri və onların məhsuldarlığı təbii şəraitdən asılı olmaqla yanaşı, eyni zamanda elm və texnikanın inkişaf səviyyəsi, xüsusilə kənd təsərrüfatının istehsal intensivliyindən də asılıdır. Kənd təsərrüfatı intensivliyinin artması bir tərəfdən insanların ərzaq təminatının yüksəlməsinə şərait yaradırsa da, digər tərəfdən isə torpaqlarda ekoloji problemlərinin də yaranmasına gətirib çıxarır. Bu gün müasir kənd təsərrüfatı üçün əsas prioritet istiqamət torpaqların münbitliyinin mühafizəsi ilə yanaşı, hər torpaqdan mümkün qədər çox, az əmək sərf etməklə ən keyfiyyətli məhsul istehsalını təmin etməkdir. Aydındır ki, aqrokimyəvi maddələrdən (kimyəvi gübrələrdən) tamamilə imtina etməklə yüksək məhsuldarlığı qorumaq mümkün deyil, lakin onların tətbiqi səviyyəsini dəfələrlə azaltmaq olar. Problemin qismən də olsa həlli üçün aqrokimyəvi maddələrin istifadəsinə real alternativ olaraq aqrosenozda ekoloji vəziyyətə praktiki təsir göstərmədən oxşar funksiyaları təmin edən mikrob preparatlarının istifadə imkanlarının araşdırılması aktual məsələrdəndir və bu istiqamətdə bir sıra tədqiqatlar aparılmaqdadır. Mikrobiota torpağın ayrılmaz və əvəzolunmaz tərkib hissəsidir, aqrosenozlarda bitkilərə kompleks təsir göstərmək qabiliyyətinə malikdir.