Garapen Iraunkorrerako Helburuei so hizkuntzen betaurrekoekin

Abstract

Agenda 2030eko Garapen Iraunkorreko Helburuen (GIH) eta hizkuntza-aniztasunen arteko loturaz gogoeta egitea da lan honen helburua. Hizkuntzak Nazio Batuen Erakundeak zehaztu dituen 17 helburuak besarkatzen ditu halabeharrez, baina agendan ez da formulazio espliziturik egiten horri buruz. Hutsune hori agerian jartzeko “17+1” aldarrikapena egiten da eta hizkuntzen helburuari buruzko (18. helburua) argudioak erakusten dira. Hizkuntza-aniztasunaren eta eleaniztasunaren gogoeta erdigunera ekarri, eta garapen iraunkorreko 4. helburua (Hezkuntza) adibidetzat hartuta, hizkuntzak garapenaren eragile moduan duen garrantzia aztertzen da. 18. helbururako, zerrendatxo bat eskaintzen da “17+1” deritzon aldarrikapena nabarmentzeko. Ondorio zenbait ere ateratzen dira, garrantzizkoena hizkuntza bere horretan helburu guztietan jomuga moduan agertu beharko litzatekeela, hura delako helburu horiek erdiesteko dagoen tresna bazterezina eta garrantzizkoena.

Eskola-materialaren izaera, garrantzia eta kudeaketa

“…Garapen Iraunkorrerako Helburua (4. GIH) izan daiteke gogoan: Hezkuntza inklusiboa, bidezkoa eta kalitatezkoa bermatzea, eta bizitza osoan ikasteko aukerak sustatzea guztientzat (García eta Idiazabal, 2021). Azaldutako ideietatik abiatuta, hezkuntza banakako baliabide ekonomikoekin estuki lotuta dagoen gizarteetan 4.…”