Euskal migranteak Europan: migrazio-prozesua eta egokitzapen psikologikoa

Abstract

Azken urteetan euskal migrazioak Europar Batasuneko herrialdeetara areagotu dira. Lan honetan aurkezten dira populazio honen migrazio-prozesuen eta egokitzapen psikologikoaren ezaugarriak generoa kontuan hartuta, eta identifikatzen dira egokitzapen psikologikoa eta finkatze-prozesua azaltzen dituzten aldagaiak. Lagina euskal migranteen talde batek (n = 86) eta euskal ez-migranteen kontroltalde baliokide batek (n = 63) osatzen dute. Emaitzek erakusten dute zailtasun handirik gabeko migrazio-prozesua gertatzen dela, eta ez dagoela desberdintasun nabarmenik gizon eta emakumeen artean. Euskal migranteen egoera psikologikoa, ez-migranteekin konparatuta, antzekoa edo hobea da. Beste aldetik, aurkitu da migrazio-helburuak lortzeak eta egungo egoera hobea izateak (esperotakoarekin alderatuta) egokitzapen psikologikoa adierazten dutela. Azkenik, ikusi da euskal migranteek harrera-gizartean egoera ekonomiko eta sozial ona dutenean, bertan jarraitzeko probabilitatea handiagoa dagoela.