A re-evaluation of the concept that women fear success. Horner's (1968Horner's ( , 1972) theory that women fear success is extensively criticized with reference to poor research methodology and inadequate conceptualization of the construct. When existing developmental theories are utilized to re-assess the research findings, it is suggested that the results are artefacts of the developmental phase of the particular research group. Guidelines for future research regarding women's achievement motivation are delineated. Objective research may dispel some existing myths.S. Afr. J. Psychol. 1981,11: 67-73 'n Analise van Horner (1968Horner ( , 1972 se teorie dat vroue vrees vir sukses openbaar, toon dat uitvoerige kritiek ingebring kan word teen die navorsingsmetodologie. Hierbenewens kom konseptuele verwarring voor in die definierinq van die konstruk. Daar word voorgestel dat Horner se navorsingsbevindinge eerder in die lig van bestaande ontwikkelingsteorie herinterpreteer moet word as 'n artefak van die besondere steekproef in 'n besondere ontwikkelingsfase. Voorstelle vir toekomstige navorsing oor die manifestasie van prestasieorientasie by vroue ten einde bestaande wanopvattings uit die weg te ruim, vloei uit die voorgaande voort. S.·Afr. Tydskr. Sielk. 1981, 11: 67 -73 Ronel Erwee Nagraadse Bestuurskool, Universiteit van Pretoria, Hillcrest. Pretoria 0002 Ontvang September 1980; aanvaar Januarie 1981 Navorsing oar die manifestasie van prestasie-orientasie by vroue vorm 'n klein, maar unieke segment van die omvangryke navorsing oor die konstruk prestasie-orientasie. As gevolg van 'n gebrekkige integrasie van die veelvoud van navorsingsbevindinge tot 'n sinvolle geheel, is die aard van vroulike prestasie-orientasie nog nie werklik deurgrond en beskryf nie. Ten spyte hiervan vier 'n aantal wanopvattings oor vroulike prestasie-orientasie hoogty. Een hipotese wat kontemporere inslag vind, is die opvatting dat vroue 'sukses vrees'. Hierdie opvatting kan herlei word na Horner (1968, 1969, 1972) se navorsing oor prestasie-orientasie by vroue. Vanwee die gesigsgeldigheid daarvan word hierdie hipotese egter as 'n gegewene aanvaar alhoewel dit nog nie empiries verifieer is nie. Ten einde tot 'n perspektiefstelling oor prestasie-orientasie by vroue te kom, moet die navorsing wat tot die wanopvatting aanleiding gegee het, krities ontleed word.Horner se teorie Horner (1968, 1969, 1972) poog om in haar ondersoeke lig te werp op teenstrydige bevindings oar vroue se prestasie-orientasie. Sy is veral beinvloed deur Atkinson (1968) se verwagtingsteorie en Heckhausen (1968) se onderskeid tussen 'n 'hoop op sukses' en 'n 'vrees vir mislukking '. Horner (1968) bestudeer individuele verskille in die sterkte van tendense om sukses te behaal, om mislukking te verrny en die affiliasiemotief soos dit manifesteer in kompeterende en nie-kompeterende situasies. Sy vind die verwagte tendense by mans, maar weer eens kan die reaksie van vroue in die eksperiment nie ondubbelsinnig verklaar word nie. Horner stel die hipotese dat 'n motief o...