Die gesigpunt van die verteller en die funksie van die Jerusalemgemeente binne die 'opsommings' in Handelinge

Abstract

The point of view of the narrator and the function of the Jerusalem congregation within the summaries in ActsThis paper focusses on Luke's presentation of the Jerusalem congregation in the summaries (5)(6)(7)(8)(9)(10)(11)(12)(13)(14)(15)(16) and their function within the narrative framework of Acts. A brief investigation of the author-narrator's point of view makes it clear that it is not his aim to give a comprehensive account or a biography of the Jerusalem congregation. The references to them in the summaries are solely employed to support the overarching theme of Acts. As secondary characters within the broader narrative framework of Acts they therefore serve as the visible fulfilment of the first part of Christ's promise to the apostles in chapter 1:8.Alhoewel die "opsommings" (beter bekend as die " Summaries" of " Sammelberichte"), te wete Handelinge 2:42-47; 4:32-35 en 5:12-16, deur baie navorsers as 'n belangrike bron van inligting aangaande omstandighede in die beginstadium van die Jerusalemgemeente beskou word, blydie historiese betroubaarheid van hierdie gedeeltes in die besonderen Handelinge in die algemeen tot op hede 'n geweldige dispuutpunt binne die Nuwe-Testamentiese wetenskap. F C Bauren dieTubingerSchule het veral die leiding in dié verband geneem deur Handelinge as 'n tweedeeeuse tendensieuse geskrif te bestempel wat dit ten doel gehad het om die botsende Joodse en heidense groepe binne die kerk te probeer versoen. Daarom is Lukas se voorstelling van die vroeë kerk " ...ein sehr schwaches und unklares Bild, das fur die geschichtliche Betrachtung wenig sicheres darbietet" .1) Genoemde tipe standpunt is uiteraard van velerlei kante bestry onder andere deur persone soos W M Ramsay, Adolf von Harnack en andere wat op hulle beurt weer ingestaan het vir die his toriese geloofwaardigheid van Handelinge.2* Soos reeds gesê, konsentreer die huidige navorsing ten opsigte van die "opsommings" steeds in 'n groot mate op basiese vrae soos die be troubaarheid en oorsprong van die stof wat hierin aangetref word.3* Hier die artikel wil nie tot dié debat toetree of antwoorde op bogenoemde vrae probeer verstrek nie. Veel eerder wil dit die opsommings vanuit 'n literêre hoek benaderen diealgemene riglyne wat die verteller self vir die verstaan