SYNOPSIS IN INTERLINGUA INCIDENTIA DE CARIE DENTAL DURANTE TRENTA ANNOS IN SCHOLARES INDIAN DE NORD- E SUD-DAKOTA.-Un total de 6988 examines dental esseva effectuate in juveniles sioux visitante octo internatos de Nord- e Sud-Dakota durante le periodo ab 1959 ad 1962. Esseva effectuate comparationes con datos de prevalentia de carie dental a base de examines de 926 juveniles sioux in le mesme reservationes durante le periodo ab 1929 ad 1932. Le methodos initialmente reportate esseva observate subsequentemente. Le resultatos reflecte un augmento plus que duplice in le prevalentia pro omne le gruppos de etate studiate. Le augmentos esseva al media 1,3, 1,8, 2,3, 3,3, 4,4, e 4,5 dentes decadite, absente, o replenate pro le gruppos de etate sub 8, ab 8 ad 9, ab 10 ad 11, ab 12 ad 13, ab 14 ad 15, e plus que 15 annos, respectivemente. Plus detaliate studios es necessari pro explicar iste marcate alterationes.