COVID-19 pandemiyası zamanı baş verən 44 günlük Vətən Müharibəsi zamanı hamiləlik və doğuşun xarakterik xüsusiyyətləri

Abstract

Müharibə xüsusi qayda, təlimat, etik davranışlara əsaslanan, elmi əsası olan silahlı hərəkatdır. Terro-rizm isə pərakəndə silahlı basqın olub, yırtıcılıq, haqsızlıq, ədalətsizlik mücəssiməsidir. Vətənimiz 44 gün qürurlu, ağıllı, savadlı və bəşəriyyət qanunlarına əsaslanaraq müharibə aparıb, özünun tarixi, qanuni torpaqlarını geriyə qaytardığı halda, düşmən yalnız terrora əl ata bilirdi. Terrordan ən çox əziyyət çəkən cəmiyyətin zəif hissəsi: qadınlar, uşaqlar və qocalar olur. BMT-in Baş assambleyasının Deklarasiyasında fövqəlda hallarda və silahlı münaqişələr zamanı qadınların və uşaqların mühafizəsinə xüsusi olaraq toxunulur. Əgər müharibə aparılan ərazinin yaxınlığında qadınlar və uşaqlar yaşayırlarsa, hərbi əməliyyatları ətraflı şəkildə düşünmək lazımdır. 44 günlük müharibə dövründə Bərdə, Gəncə, Tərtər kimi ərazilərə qarşı terror aktı törədən düşmənin də əsas məramı elə bu həssas populyasiyaya xətər yetirmək idi.