Bir çox tədqiqatlar göstərir ki istismar zamanı qaz quyularında lay suyu yaranır. Bu əsasən istismar quyularının sulaşması ilə əlaqədardır. Bəzi hallarda bu qaz quyusuna antiqidrit və ya korroziyaya qarşı mübarizə üçün inqibitordan istifadə etdikdə baş verir.
Göstərilən proseslərdə hidrostatik basqı və itkilərə sərf olunan basqı qaz fazasında mayenin yaranması ilə izah olunur. Bunun nəticəsində quyu dibi təzyiqini hesablayarkən müəyyən qədər xəta baş verir. Deməli iki fazalı axına bir fazalı axın kimi baxarkən çix böyük xətaya yol verilir.
Hidrodinamik hesabatlar zamanı əsas göstəricilər kimi quyu ağzı parametrlər qəbul olunur. Verilmiş parametrlərin köməyi ilə qaldırıcı boru təzyiqin paylanması və quyudibi təzyiqi təyin olunur. Bildiyimiz kimi çox vaxt maye axını qaldırıcının müəyyən hissəsində tıxac əmələ gətirir. Deyilən fontan quyusunda sürtünməyə sərf olunan itkini artırır. Deyilənləri nəzərə alaraq, qeyd etmək olar ki, iki fazalı sistemlərin hidromexanikasının öyrənilməsi aktual bir məsələ kimi mühəndislər qarşısında dayanır. Alınmış nəticələr mədən şəraitində də aprobasiya oluna bilər.
Deyilən məsələ indikator əyrilərində də özünü göstərir. Belə ki, quyu dibində və ya quyu gövdəsində mayenin ( lay suyunun) olması istismar prosesində özünü aktual bir məsələ kimi göstərir. Bu öz növbəsində bir çox çətinliklər yaratmaqla yanaşı, prosesin düzgün getməməsinə səbəb olur.
Təzyiqin düzgün ölçülməməsi və ya hesablanmaması lay və ya dinamik təzyiqin olunmasında da özünü göstərir. Bu zaman qeyri-stabil quyu dibi təzyiqinin olması, ümumi prosesin pozulmasına öz növbəsində hasilatın azalmasına səbəb olur.
Kiçik hasilatlı quyularda maye stünunun olması daha çətin işləmə texnologiyası yaradır. Deməli quyuda maye stünunun olması həm quyu dibi təzyiqinin dəyişməsinə, həmdə lay təzyiqinin dəyişməsinə səbəb olur. Ona görədə təzyiqin dəyişməsinin əsas səbəbi kimi quyuda mayenin olmasıdır.
Açar sözlər: Neft yataqları, fontan istismar quyuları, mədən məlumatları, quyu dibi təzyiqin,lay təzyiqin təyini