“…As dit waar is dat homologie as maatstaf van filogenetiese verwantskapsbepaling gebruik mag word dan moet daar een of ander kriterium bestaan vir die herkenning daarvan. Die besprekings van De Beer (1938,1958), Boyden (1943), Szarski (1949), Maslin (1952), Dice (1952), Bigelow (1958Bigelow ( , 1959, Kiriakoff (1959) en Greenberg (1959) laat aan die leser geen ander keuse as om met die volgende uitspraak van Szarski saam te stem n ie : 'n Ondersoek van die huidige status van die homologiebegrip lei tot die verontrustende gevolgtrekking dat 'n basiese term van een van die belangrikste soólogiese wetenskappe, t.w. vergelykende anatomie, nie volkome bevredigend gedefinieer kan word nie.…”