Aldibereko teknika biologikoen bitartezko lurzoru kutsatuen erremediazioa

Abstract

Gaur egun ugariak dira mundu mailan zein Euskal Herri mailan aktibitate antropikoengatik kutsatuak dauden edo kutsatuta egon daitezkeen lurrak. Metal astun edo elementu organikoekin kutsatuta dauden lurzoru hauek erremediatzeko teknikak anitzak eta natura ezberdinetakoak dira. Alde batetik erremediazio teknika fisiko-kimiko klasikoak aurki daitezke, errendimendu altu eta aplikazio denbora laburrak dituztenak; baina kontrara, kostu altu eta inpaktu ekologiko handiak dituztenak. Bestetik, teknika biologikoak aurkituko lirateke, merkeagoak eta ingurumenarekiko adeitsuagoak direnak; baina, aplikazio denbora luzeak behar dituztenak. Hauen artean, landareekin burutzen den fitoerremediazioa, zizareekin burutzen den bermierremediazioa zein mibrobioekin burutzen den bioerremediazioa aurkitzen dira. Lan honetan teknika hauen ezaugarri nagusiak eta berauen aplikagarritasuna jorratzen dira; bakarkako erremediazio teknika zein teknika konbinatu gisa.