Afasia hizkuntzaren antolaketarako erakusleiho

Abstract

Laburpena: Afasiaren azterketak hizkuntzaren antolaketarako ebidentzia enpirikoa eskaintzen du, horregatik da ekarpen garrantzitsua eredu neurolinguistiko eta psikolinguistikoak garatzeko. Lan honetan, afasiologiarako sarrera labur gisa, burmuineko lesioen ikerketak hizkuntzaren eta hizkuntza-osagaien antolaketaz zer erakutsi duen jasotzen da. Horretarako, aurkezten dira, batetik, afasiologiaren historian hizkuntzaren irudikapenaren inguruan izandako ikuspegi nagusiak eta, bestetik, zer-nolako datuak eskaintzen dituen afasiak hizkuntz osagaien antolaketa funtzionalerako eta hizkuntzalaritza teoriarako.Hitz gakoak: afasia, hizkuntzaren antolaketa, psikolinguistika, neurolinguistika. Abstract:Research on aphasia provides empirical evidence for the organisation of the language system, and therefore it is a valuable source of data for developing neurolinguistic and psycholinguistic models. In this article, we review what brain lesion studies reveal about the organisation of language and linguistic components, as a brief introduction to aphasiology. To that aim, we introduce the main approaches in the history of aphasia regarding the representation of language in the brain and we present what kind of data aphasia offers for the functional organisation of the linguistic components and for linguistic theory.

Hizkuntzak burmuin elebidunean; zer erakusten du gaztelania-euskara elebidun afasiko baten kasu-azterketak?

“…Hizkuntza-arazoen behaketak aukera ematen du hiztunak «galdua» duen hizkuntzarako gaitasuna nolakoa den aztertzeko; eta, aldi berean, ikusteko zein beste (azpi)gaitasunetan ez duen eraginik izan ezintasuna sortu duen burmuineko lesioak. Bestela esanda, afasiaren ondorio diren urradura zehatzetan oinarrituta inferi daiteke zein diren hizkuntza prozesatzean gertatzen diren urrats eta eragiketak, eta horrek aukera ematen du sistema kognitiboaren eta hizkuntzaren arkitektura ezagutzeko (ikuspegi orokor baterako, ikus [2]). Elebidunen kasuan, gainera, sintomak bi hizkuntzetan aztertzeak ahalbidetzen du behatzea lesioak azpimaila beretan eragina izan duen bietan.…”