Hal-hazırda dünyada və ölkəmizdə neft və neft məhsullarının əsasən 5 üsulla daşınması həyata keçirilir. Məhsulun bir yerdən digər nöqtəyə daşınması çox zaman səmərəli olmur. Məsələn, boru kəmərləri ilə nəql zamanı üstün cəhətlərə malik olsa da bəzən mənfi xüsusiyyətləri də olur. belə ki, boru kəmərləri ilə nəql ancaq bir istiqamətli baş verir, yəni, artıq qalan məhsul geriyə qayıda bilmir. Bəzən də eyni vaxtda bir neçə məhsulun nəqli tələb edilir ki, bu da baha başa gəlir. Çünki hər məhsul üçün ayrıca boru kəmərini çəkilməsi prosesi iqtisadi cəhətdən çox əlverişsiz hesab edilir. Ona görə səmərəli nəql üsulu kimi ardıcıl nəql metodundan geniş istifadə edilir [1].
Müxtəlif çeşidli məhsulların belə nəql etdirilmə üsulu həm bizim Respublikamızda, həmçinin xarici ölkələrdə geniş istifadə olunur ki, bu da hər şeydən əvvəl, boru kəmərlərinin maksimal yüklənməsinin iqtisadi cəhətdən səmərəliliyini artırır. Bu zaman həm yeni boru kəmərlərinin tikintisinə, həm də nəqletmə xərcləri əhəmiyyətli dərəcədə azalır. Bununla yanaşı, müxtəlif çeşidli neft məhsullarının mövcud nəql etdirilməsi üsulunun əhəmiyyətli çatışmamazlıqları mövcuddur ki, bunlar da onların ardıcıl nəql prosesində nəql olunan məhsulların kontakt zonasında qarışıqların qaçılmaz əmələ gəlməsinə əsaslanır. Bu da bir qayda olaraq, fiziki-kimyəvi göstəricilərinə görə ötürülən məhsullardan heç birinə uyğun gəlmir. Daha doğrusu, mahiyyətinə görə keyfiyyətsiz hesab edilir və ona görə də onun utilizasiyasının aparılmasını tələb edir, bu da öz növbəsində, boru kəmərlərinin son məntəqəsində məhsulların qəbulu və yerləşdirilməsi texnologiyasını mürəkkəbləşdirir.
Hal-hazırda yaranan qarışığın aradan qaldırılmasl üçün bir neçə səmərəli üsullar işlənib hazırlanmaqdadır. Bu üsullardan bəziləri yüksək səmərə verir, digərləri isə bəzi səbəblərə görə nəticəsiz qalır.
Qeyd olunanlar məhsulların ardıcıl nəql proseslərində əmələ gələn müxtəlif çeşidli məhsul qarışıqlarının ölçülərinin və həcmlərinin azaldılması üsullarının işlənib hazırlanması üzrə məsələlərin aktuallığını müəyyən edir.
Baxılan məqalədə də biz nəql üsulunun səmərəliliyinin artırılması yollarını araşdırmışıq. Əvvəlcə qarışıqyaranmanın qarşısını almaq üçün istifadə edilən üsullar təcrübə ilə sınaqdan keçirilmiş daha sonra isə istifadəyə verilmişdir. Təcrübə zamanı nəql olunan mayelərin özlülükləri fərqlidir və bizim apardığımız təcrübəyə görə qarşıda nəql olunan məhsulun özlüyüyü arxada nəql olunan məhsulun özlülüyndən çox olmalıdır.
Açar sözlər: Qarışıqyaranma, qazla doydurulma, neft məhsulları qarışığı, özlülük, bərk ayırıcılar, ardıcıl nəql, ayırıcı tıxac, məhsul qarışığı,maqnit aktivli özlü-elastik ayırıcı, doyma təzyiqi