A patrimonialización e a musealización dos bens etnográficos en Galicia. Pasado, presente e porvir

Abstract

Comeza o artigo percorrendo sumariamente os ensaios musealizadores do século XIX, vinculados ao nacemento en Galicia do folclore e da etnografía. Seguidamente transitamos polo itinerario musealizador do século XX e diferenciamos tres etapas: o primeiro terzo do século, o franquismo e, finalmente, a inflación museística do período democrático. Esta última etapa caracterízase pola multiplicación de museos locais e municipais. Boa parte destes museos carecen de criterios museolóxicos e non desenvolven a reflexión necesaria sobre o patrimonio cultural que lles afecta.