Formes de relieve, evolución del modelaxe y réxime térmicu en Cordal de Penubina (Cordelera Asturllionesa)

Abstract

El cordal de Penubina ye una de les peñes de más altor de la Cordelera Asturllionesa (El Fontán sur, 2.417 metros p.n.m.). Pol so carácter de muria orográfica retién les nubes na aguada asturiana, xenerando un clima más estable y soleyeru na aguada llionesa, con unes precipitaciones nos sectores cimeros que superen los 2.000 mm, munchos d’ellos de nieve. Identificáronse procesos cársticos, torrenciales, glaciales y periglaciales, tanto antiguos como funcio­nales. El modelaxe cársticu xeneró l’aparición de formes d’erosión como valles ciegos, dolines, fuexos, pozos y lapiaces. El modelaxe glacial ye responsable de formes erosives como bacíes glaciales y peñes oveyaes, y tamién d’acumulación, sobremanera en forma de morenes glaciales, que dexaron identificar trés fases glaciales (fase de máxima expansión del xelu, fase interna I y II, y fase d’altor I y II) y venti glaciales distintes, qu’ocuparon 5.004 hectárees na fase de máxima expansión del xelu. El réxime térmicu actual carac­terízase pola abondancia de xelaes, pero por un númberu pequeñu de díes de xelu-destemple. Estes condiciones de fríu favorecen el desenvolvimientu de la crioturbación, la crioclastia, la solifluxión, los movimientos en masa rápidos y l’abondancia de nieve, que suel permanecer estable ente seis y ocho meses perriba de los 1.800 metros p.n.m.