Ebaketa-erradioaren eragina Inconel®718 fresatzeko erreminten bizitza erabilgarrian

Abstract

Sektore aeronautikoan erabiltzen diren super-aleazio termorresistenteak lantzea erronka zaila da, ebaketa erremintak azkar higatzen baititu. Horregatik, erreminta horien errendimendua hobetzeko, fabrikatzaileek, ebaketa geometriaren eragina ulertzea funtsezkoa dela uste dute. Hori dela eta, artikulu honetan erremintaren ebaketa sorbatzeko erradioak eta jaulkitze- zein azpijan-angeluek daukaten eragina aztertzen da. Abiapuntu gisa, diseinu esperimental (DOE) bat burutu da, non aurrean aipatutako hiru parametroen eragina kuantifikatzen den, Elementu Finituen Metodoaren (EF) bitartez. Ondoren, proba esperimentalekin ekin da, EF softwaretik lortutako emaitza teorikoak balioztatzeko. Emaitzek erakusten dute ebaketa sorbatzaren erradioak erremintaren higaduran eragin zuzena daukala eta balio egokia aukeratuz erremintaren bizitza erabilgarria areagotzeko gai dela.